Den cuadro di un rueda di prensa tocante dia mundial pa prevencion di obsesidad, minister di turismo y salud publico, Dangui Oduber, a elabora riba e topico di e posibel introduccion di sugar tax.
Por recorda cu unabes gobierno a trece pa dilanti cu lo bay introduci un contribucion propio pa AZV, un grupo di esunnan cu a protesta esaki a puntra pakico no ta introduci un sugar tax en bes di e ‘eigen contributie’. Riba esaki a puntra Oduber kico t’e plannan pa e gobierno actual, tin intencion di introduci esaki of ta para riba un no.
Oduber a cuminsa splica cu e comision nacional di cuido a propone introduccion di sugar tax en bes di e contribucion propio p’asina pone tur responsabilidad riba e comunidad y cu nan mes kier asumi ningun responsabilidad pa yuda gobierno baha e gastonan relaciona cu esaki. Den pasado caba gobierno kier a considera pa introduci un sugar tax, cu segun e minister no ta algo malo, pero n’e momento akinan esaki no ta forma parti di e reforma fiscal.
A reitera cu ya a yega di propone esaki, pero “el a haya hopi boycott. Nos por corda con e personanan tabata bay cinema y con propagandanan tabata wordo haci contra e sugar tax”. Esaki mas cu claro a bin hunto cu hopi resistencia di parti di comercio.
Pa un relato mas amplio lesa edicion di TREMPAN.
