Diadomingo pa mas of menos 3:45 pm, a activa polis di San Nicolas pa un caso misterioso riba Sero Colorado. Ey e defensornan di ley a bin topa cu un trapi poni na cura di e radar, cu ta vigila e costa parti pariba di Aruba.
Ultimo simannan tabatin varios intento di drenta Aruba via boto, pero cu polis, wardacosta y Guarda nos Costa a evita. No tin duda cu e radar ta hunga un rol esencial den e trabou peventivo pa topa cu e botonan hasta prome cu nan yega costa. Probablmente esunnan cu ta den e negoshi grandi ey di treece ilegalnan pa Aruba for di Venezuela, lo kier haci un intento pa destrui e aparato.
Mesora despues di a tuma nota di e trapi y posibel intencion di e criminalnan, polis a cera e area y a notifica e departamento forensico pa haci un investigacion, saca potret, check finger print, pa purba yega na e sospechosonan envolvi. Te ainda ta djis un intencion, pero cu esaki por spera mas patruya di polis den e area.
