Telefon pa Hubentud tin un app y ta ofrece varios servicio. Shurman Milliard, trahado social y PR di TPH a splica cu nan ta purbando pa yega mas cerca di e hobennan. A cuminsa cu un investigacion tres aña pasa di kico e muchanan ta haci mas.
Nan tabata sa un tiki caba, pero riba smartphones, tablets, riba Youtube, nan ta hopi bezig cu tecnologia. Nan ta comunica tambe cu otro via tecnologia. No solamente e hobennan, como tambe adolescente y e adultonan hoben ta papia mas cu otro via Whatsapp y riba nan smartphone den nan bida diario, compara cu papia via telefon.
A pensa cu mester bin cu un manera pa bin mas cerca di e hoben. Un app ta un manera pa haya un persona y comunica cu e persona. Ta haya e grupo meta y comunidad, pero tambe ta conecta cu nan. Tur ora nan ta cerca bo y esey ta loke TPH kier.
Cu App di TPH ta purba di yega mas cerca di nos hobennan
Cu App di TPH ta purba di yega mas cerca di nos hobennan. Click e link pa mas https://24ora.tv/32d0yIe
Posted by 24ora on Sunday, July 7, 2019
A bin cu un app pa Telefon pa Hubentud cual a lansa tres aña pasa. Ta trata aki di un app bibo. Cada biaha tabata tin interaccion cu e grupo meta. Por a Whatsapp cu TPH, por yama, haya informacion y por laga wak kico bo sentimentonan ta via e app di TPH. Esey ta nifica cu ta un app bibo.
Kico a haci cu e app
A duna e muchanan e oportunidad pa laga sa con nan ta sinti, pa hunga, pa Whatsapp cu TPH y naturalmente e yamada di TPH por bay via e app. A wak cu ora bo ta traha un proyecto asina, bo mester tin e vision, bo mester tin un punto final of un tussenpunt. Eynan a wak cu tabata kier haya 500 downloads. Despues di un aña a haya mas di 4 mil downloads. Na e momentonan aki tin 7000 downloads di e app, cu ta un cifra hopi grandi pa cualkier app, vooral pa un fundacion. TPH ta hopi orguyoso di ta riba e cutting edge di tecnologia. Un app te awor hasta ta hopi moderno. Esaki ta un app cu a lansa tres aña pasa.
Actualmente a haya diferente partner y hasta ta buscando mas partner pa laga update di e app bira mas grandi, mas innovativo y tambe pone mas servicio di e app cu tin caba. Kier pa e app bira mas amplio, yega mas cerca di comunidad y asina por duna bek mas informacion na e grupo meta, cu tin mester di informacion. Cu un app ta mira cu comunidad ta puntra pa esaki, e hobennan ta pidi p’e. Door di encuestanan haci, TPH a haya e informacion ey. No ta solamente kico TPH ta pensa. Ta investiga esaki door di encuestanan bao di nos hobennan.
TPH ta hopi orguyoso cu a haya cooperacion pa proyecto di e app, con por lag’e bira mas amplio, mas cerca di comunidad cu Universidad di Aruba. E hobennan a haci un investigacion riba esey, a haci encuesta y a puntra e muchanan, e comunidad mes, kico nan lo kier den e app di TPH. Cu e informacion aki, ta bay traha e update di 131 TPH app. Tur e informacion di TPH, bo por haya hopi facil mes.
Bo por bay riba nan canal di Youtube cu hopi informacion di kico TPH mes ta haciendo riba e veld social di Aruba. A laga sa tambe kico e veld social ta ofrece. No solamente TPH, pero diferente otro fundacion. Nan tin un website nobo y avansa. Milliard a sigui splica cu no solamente tin informacion pa muchanan, pero tambe pa adulto, pa profesional y pa e mayornan. Tin diferente categoria den e app, p’asina abo por haya informacion cu ta mas adecua p’abo. Tin cuater diferente tabs cu bo por bay y eynan bo ta haya informacion adecua p’abo mes.
Asina TPH ta purba di ta mas innovativo. Cu TPH TV, cu den e luna aki ta trahando mas y mas, por haya e prome programa riba nan canal di Youtube 131 TPH. Eynan ta haya tur informacion di kico TPH ta haci na e momentonan aki y cu lo bay uza den futuro.
