Campeonato HEINEKEN fast pitch di Aruba Softball Bond dedica na dos baluarte Jacobo Jansen y Gilbert “Nando” Maduro a continua riba canchanan na Pos Chiquito.
Logros a derota Black Joker den su promer serie y a pasa pa final enespera di ganador di Piratas vs Black Joker. Piratas a sweep e serie di best out of three 2-0 vs Black Joker y a pasa pa final pa enfrenta Logros den un serie di 5 wega pa midi forsa y mira ken ta titula campeon den A-Klas 2019 y lo promove bek pa AA den 2020. 
Piratas su motor diesel a start y a pone e “tono” di play off den su promer wega. Piratas a anota 2 careda den cabez di 2 y ta rally pa 5 mas den cabez di 3 y ta bolbe rally pa 6 careda mas den cabez di 4 y Logros no tabata tin e respuesta riba e atakenan di Piratas. Asina finalmente Piratas ta knock out Logros 13-2 den nan promer partido. Boxscore final Piratas 13 careda, 11 hit, 1 error y ta laga 6 coredor na base. Logros 2 careda, 4 hit, 4 error y ta laga 6 coredor den circulacion. Mihor bateadornan pa Piratas ta Henry Heredia, Pablo Reid ambos di 2-1, Jonathan Barry di 3-2, Leyvis Gonzalez di 4-2, Ever Vivanco 1-1 cu 2 careda anota mas 3 impuha incluyendo un doblete, William Bentiez aportando na su propio causa a bay di 2-2 cu 3 rbi.
Pa Logros a destaca na bate Edgar Bautista, Jurick Cecilia y Alexander Groeneveld tur a bay di 2-1. William Benitez ta tira un tremendo partido enfrentando 20 bateador, 30 bola, 36 strike bon pa 66 lansamento permitiendo 2 careda tras di 4 hit regalando 3 base por bola pa asina seya e victoria riba su nomber. E “star” pitcher di Logros Edgar Bautista no tabata tin su mihor anochi y a enfrenta 26 bateador lansando 89 pitch permitiendo 11 careda di cual 6 ta limpi tras di 9 hit y ta regala 3 base por bola pa bay cas cu e derota riba su nomber. Johhny Rasmijn ta drenta di relevo y ta permiti 2 careda trad di 2 hit unda finalmente Clemente Garcia ta drenta tira 1 bateador pa sera e wega.
Diahuebs 715pm Logros y Piratas ta enfrenta otro den nan di dos wega di e serie di 5. Logros mester un victoria pa empata e serie mientras un victoria pa Piratas ta pone Logros lomba contra muraya. Softball fast pitch is rolling!!
