Recientemente tabatin tratamento di un caso den cual e acusado tabata un trahado di Departamento di Impuesto. Ta trata di Michael Gario.
E acusacion contra dje ta cu como ambtenaar di Belastingdienst el a haci su mes culpabel di a tuma soborno. E sospechoso tabata percura pa acelera pagonan di restitucion door di duna cierto personanan trato preferencial.
Despues di pago di e restitucion, e sospechoso tabata pidi pa un contribucion monetario pa e servicio extra cu el a duna. E investigacion aki, cu Landsrecherche a cuminsa na 2022, ta conoci como Oleander.
Hues a condena Gario na un castigo di trabao di 140 ora y un castigo di prizon condicional di un luna. Fiscal di husticia a exigi tambe pa Gario wordo saca di e derecho pa traha como ambtenaar pa un periodo di tres aña.
Hues a mustra comprension pa e exigencia aki di fiscal, pero no a sigui cu ne, considerando e circunstancianan personal di e sospechoso, kende mientrastanto a wordo kita for di trabou.
Ministerio Publico lo sigui bringa corupcion. E ciudadano mester por confia cu ambtenaarnan ta integro y ta trata tur hende igual. Ora un ambtenaar saca bentaha personal door di duna cierto personanan trato preferencial, e confianza di ciudadanonan den integridad di ambtenaarnan ta wordo atacha. Juist di un ambtenaar por spera cu e ta actua na un manera integro y ta tene su mes na ley.
