Diasabra den oranan laat di atardi polis a tene un control di trafico riba Watty Vos Boulevard. Ta trata e seccion di motor unit cu a para strategicamente rib’e ruta y reparti varios multa.
Un agente tabata midi velocidad di e vehiculonan poco mas pabou di rotonde Ponton. Mientras cu e otro polisnan tabata para na rotonde Bushiri sperando rib’e vehiculonan cu a surpasa e limite. A reparti varios multa, tin cu tabata core riba 140 k/m mientras otro 110 k/m.
Na final, tur cu a surpasa 80 k/m pa ora a ricibi un multa. A splica e chauffeurnan cu a ricibi multa e proceso cu nan tin di cana. E control tabata uno fructifero y awo ta pendiente pa e cifranan oficial di parti Cuerpo Policial.
