Organisacion di trabou FBO, sindicatonan di hungado VVCS y ProProf y e sindicato Coaches Betaald Voetbal (CBV) a yega na un acuerdo p’e medida di emergencia di e situacion di Coronavirus. Entre otro cos, tin un regulacion central riba e entrega salario.
Ta calcula cu e acuerdo – cu tin e sosten di Eredivisie CV, Coöperatie Eerste Divisie y KNVB – lo spaar mas o menos 35 miyon p’e clubnan di futbol. Otro parti di Europa, e hungadonan di Juventus, Real Madrid y FC Barcelona, entre otro, a yega na un acuerdo individual cu nan club riba e descuento di salarial, pero sindicatonan di Hulanda a compromete cu un regulacion di henter e industria desde principio.
“Nos a mira cu hungadonan den hopi pais a keda confronta cu henter e situacion di salario,” segun pesidente di VVCS, Evgeniy Levchenko. Di no por hunga den e competencianan y sigur pa mita aña hunga sin publico, ta reduci e entrada mas o menos 300 miyon. Cu e cifranan ey a papia cu FBO y a mustra pa yega un pakete di medida.
20% di entrega di salario
E pakete di medida di salario na un prome instante tabata te cu 1 januari 2021 y ta consisti di diferente recomendacion, pa cual futbolistanan y coachnan miho paga lo cortamas cu esnan cu salario abou. E hungadonan y coachnan cu tin un salario anual bruto di 25.000 euro lo duna 2.5% di nan salario. Pa esnan cu salario halto esaki ta yega na un maximo di 20%.
E sindicatonan a bay di acuerdo cu FBO riba e cambio di oferta di paga cu e convenio colectivo pa futbol profesional ta extende di 1 juli 2020 te cu 30 juni 2023. “E extra ey ta uno bon,” el a bisa. “Esaki ta duna e hungadonan siguridad y adicional garantia legal pa un periodo mas largo.”
Medida di emergencia pa futbol profesional
– Hungadonan y coachnan ta renuncia of un acuerdo amistoso pa bonus colectivo;
– Reduccion salarial riba base di un escala progresivo. Desde e 2.5% di salario anual pa mas di
25.000 euro bruto pa aña y te un maximo di 20%;
– Hungadonan y coachnan ta renuncia nan resto di vakantie p’e temporada 2019/2020;
– E clubnan tin opcion pa paga e asignacion di vakantie p’e temporada 2019/2020 na juni na luga di mei;
– E cao den futbol profesional lo ta extendi di 1 juli 2020 pa 30 juni 2023;
– Un reduccion den number obligatorio di hungadonan contrata den e Division di Campeon di Keuken di 16 pa 14 (2020/2021) of 15 (2021/2022).
