E acuerdo administrativo (Bestuursakkoord) cu lo wordo firma proximamente entre Aruba y Hulanda pa promove un maneho sostenibel di finansas publico ta un paso importante pa e isla.
E hecho cu lo spaar 16 miyon florin ta un desaroyo positivo. Prome Minister, mr. Evelyn Wever-Croes a indica cu ta comprendibel cu tin e interogantenan tocante unda lo inverti e fondo aki, particularmente si tuma na consideracion na e aumento di prijsnan den e sector di cuido y e necesidad pa un prizon nobo.
URGENCIA
Un di e noticianan cu ta tendencia ultimo temponan aki, tabata e echo cu, door di un cambio di ley di gobierno cu ta exigi e centronan di cuido pa traha cu ratio, esaki ta haci cu nan lo mester aumenta nan prijsnan y tambe e trahadonan publico cu tin varios aña caba cu ta luchando pa pago di indexering. A puntra e mandatario si kisas e lo inverti den e dosnan aki.
E mandatario a indica cu, no obstante e necesidad pa inverti den e sectornan aki, ta importante pa maneha e finansa publico cu cuidao pa evita un aumento innecesario di e debe di pais. Un enfoke riba proyectonan di Public Private Partnership (PPP) por ta un opcion viabel pa financia desaroyonan importante manera e prizon nobo y mehoracion di e cuido di grandinan.
Pero, te cu algun dia pasa, Gobierno no tabata por a pensa ni sikiera riba pensa riba proyectonan PPP ya cu e tabata habri. Y awo cu e ta bay bira un posibilidad, lo traha riba e proyectonan. E condicionnan p’esaki ainda no ta defini y lo cuminsa traha riba e proyectonan.
Sinembargo, ta esencial defini condicionnan claro y realistico pa asina minimalisa e riesgonan financiero pa gobierno.
E meta principal ta pa sigui baha e debe di pais Aruba, pero cu e entendimento cu tin necesidad pa inverti den desaroyonan crucial pa e comunidad. Un enfoke prudente y strategico riba inversionnan ta esencial pa sigura un futuro financiero sostenibel pa Aruba.