Angly Ramirez a wordo maltrata pa su casa Clifford Tromp y e luna aki nan lo tin nan divorcio. Ultimamente e casa ta maltrat’e y casi tur dia mester yama polis. El a haci 2 denuncia contra di su casa na Ministerio Publico, pero no a detene. Luna pasa dia 25 di April Angly Ramirez a keda deteni. El a defende su mes y yiu despues cu e casa a dal nan, pero kico e casa a bisa polis e no sa pasobra na final Angly Ramirez a keda deteni.
E tin tur informe medico. E casa kier sac’e di e cas, pero segun Ramirez, e ta esun cu a haci un prestamo p’e cas. Desde aña pasa nan tin problema y nan tabata traha hunto. E casa a kita su salario y el a cuminsa paga e prestamo. E homber a humiy’e y e ta cansa cu su infedilidad. E no kier ta cu e homber mas y no kier wordo pega cu niun enfermedad.
E señora a splica cu e no kier sigui ricibi maltrato, e ta tuma contacto cu polis y hopi a yud’e. E no por drenta su cas facil ya cu e casa ta agredi’e, ta haci daño na e cas. E casa a hasta menasa e unico persona cu ta yud’e y tambe a keda deteni, y nan no sa kico el a bisa polis. E no a ricibi maltrato fisicamente so, pero mentalmente tambe. E casa kier sac’e di un cas cu Ramirez a traha p’e y kier mir’e su so.
Cada ken tin nan cas, pero semper cu Ramirez yama polis p’e casa, e ta yega eynan y haci problema. Tin hopi polis ta yuda Ramirez y otro no, pero nan tambe ta cansa cu tur dia e ta yama. Ramirez a perde trabou, y e casa kier sac’e di su cas y e no por bay na cas di su amiga, mirando cu e no tin famia aki na Aruba.
El a pone 2 denuncia na Ministerio Publico, pero e tin hendenan cu ta yud’e. E casa tabata implica den hopi cos, pero semper ta sali liber di tur cos cu yudansa di su hendenan. El a sigui bisa cu e casa a bisa cu e lo mat’e of mir’e den prison. Loke e kier ta p’e casa respet’e y stop di dal’e. E no tin caminda pa bay, pasobra e casa a percura pa kit’e di esaki, no tin pa come tampoco y e tin cu paga e prestamo di cas. E casa ta humiyando Ramirez y ta bisa tur hende cu el a hort’e. E casa ta den su mundo di vicio y ta agredi’e cu of sin su vicio, Angly Ramirez a conta.
