Diasabra marduga, den careda di 12:10 am, a tuma luga un accidente riba LG Smith Boulevard, dilanti di Talk of the Town. Chauffeur di un Hyundai Elantra colo plata, numera A-73876, tabata coriendo riba caminda contrario y a dal contra di un Nissan Versa, numera A-76015. Ambos vehiculo a sufri daño material significativo.
Personal paramedico a atende e chauffeur di e Elantra y despues a deten’e ora cu a comproba cu e tabata coriendo auto burachi, causando e accidente.
A hib’e warda di polis unda cu el a aparece dilanti fiscal auxiliar, unda cu e mester duna cuenta di su comportacion iresponsabel den trafico.
