Un otro diabierna scur den historia di Aruba. Omo a logra Status Aparte y subrina a entrega Status Aparte. Den 7 aña di gobernacion di partido MEP a entrega Aruba su Status Aparte.
Lider di partido MEP ta bay den historia como e prome hende muhe cu a bira prome minister y esun cu a entrega nos Status Aparte. Despues di a busca moda di fia $160 miyon den exterior gobierno di partido MEP no a keda nada otro di entrega nos Status Aparte. Con nos pueblo mester tuma e asunto aki pa via cu dia 27 di augustus 2015 partido MEP den oposicion a lanta pueblo pa motibo di e ley di CAFT. A culpa partido AVP di a entrega autonomia di pais Aruba. A destrui nos parlamento y kier a kima nos Parlamento. Awe danki Dios cu partido MEP no ta den oposicion paso si ta asina nos Parlamento lo ta na candela. Partido MEP semper a haci comosifuera di ta doño di Aruba. Locual partido MEP haci malo ta bon y ora otro mesun cos ta malo y ta manera mundo ta caba. Partido MEP a hiba e 12-8 durante hopi tempo como lema di campaña contra di partido AVP. Cua partido ta mas entreguista? A cambio di kico partido MEP????
Gobernacion di partido MEP na aña 2001 pa 2009 a fia 1.4 biyon florin y bao di gobierno di MEP BBO a nace. E fiesta a sigui bao di gobierno di partido AVP di 2009 pa 2017 nos debe nacional a sigui crece cu 1.8 biyon florin pa yega na un total di 4.3 biyon florin. For di 2018 te cu awe partido MEP a sink nos Isla. Na 2020 gobierno a fia 916 miyon florin y a subi mercado internacional y a fia 600 miyon florin. Esaki den un aña bo fia 1.5 miyon florin. Nos por corda tambe cu apenas partido MEP a drenta gobierno na 2017 cu gobierno a fia 300 miyon florin.
Despues di a drei rond di e ley di matrimonio di mesun sexo awe Aruba ta di luto. Partido MEP no tabata no tabata kier pa e ley matrimonio wordo aproba den Parlamento pa no perde voto. Kisas esaki ta e motibo di firma e ley di reino cu e ora ey lo kita tur atencion di e ley di matrimonio di mesun sexo y ya cu nos ta bao di Hulanda lo e pasa sin problema. Nos ta kere cu entrega di nos Status Aparte partido MEP lo cay na 3 asiento den e proximo eleccion. Nos corda cu den un forma cobarde a sali bay Hulanda y a firma COHO riba e diabierna scur di 13 di November 2020. E palabra como a bay pero el a laga e consecuencianan cu ta e Landspakket. A cambia e number di COHO despues pa Onderlinge Regeling pero e contenido a keda mesun cos. Nos no por mira ningun proyecto na bienestar di nos pueblo. Partido MEP kier sconde su eror tirando culpa riba partido AVP pero tur dos partidonan aki ta mesun culpabel cu a sink nos Aruba dushi tera.
Aruba a wordo goberna pa geel y berde den 38 aña di nos Status Aparte. Unico pilar economico ta nos turismo y door nos gobierno di partido MEP a firma e Sustainable Development Goals y tambe cu e World Economic Forum a cumpli cu e lema “lo bo no tin nada y lo bo ta feliz”. Nos companianan estatal tambe ta den debe. E crisis economico mundial y cu e caida di e dollar nos isla lo bai haya un otro golpi economico. Paisnan grandi a cumpra oro pa wanta e sla di e great reset cu ta den porta. Nos florin ta mara na e dollar.
Companianan cu a cumpra miyones ta bonds di gobierno ta core e riesgo di perde nan placa ora cu e dollar devalua. Pensioenfonds, SVB y Banco Central mester tin reserve na oro. E dollar por cai pero e prijs di oro y plata lo subi considerablemente. E black out ta na caminda.
Ora bo tene man cu diabel, lo bo tin cu paga un prijs. Despues di partido AVP partido MEP lo tin cu paga e prijs pa motibo di a sink Aruba. Lamentablemente nos tin supuestamente cristiannan cu kier hunga wega politico pero no kier saca e balki di nan wowo pa mira e realidad. Nan nomber ta keda graba den nos historia cu a yuda sink nos Aruba. Esaki ta e frutanan cu partido MEP ta recoge. Si bo ta yama pa haci bon y bo no ta hacie esey kiermen pica. Esunnan cu a aparta estado for di religion awe a sink nos isla. Partido Curpa ta e unico alternativa.
