Diadomingo awo lo bay tin un concierto gospel, cu e banda Christafari riba Plaza Betico Croes y henter pueblo di Aruba, grandi y chikito ta invita pa bin asisti.
Carlos Arbona, pastoor di hubentud di Iglesia Maranatha y organisador di e evento, a comenta Christafari ta un banda di reaguea Gospell funda na 1990 pa pastoor Mark Moore. Nan a bin Aruba na 1996. Tabata un concierto masha grandi mes.
Christafari cu concierto diadomingo awo riba Plaza Betico CroesChristafari cu concierto diadomingo awo riba Plaza Betico Croes. Click e link pa mas https://24ora.tv/2PERsyz
Posted by 24ora on Thursday, December 12, 2019
Despues di 20 aña nan ta bin bek Aruba pa un Free Live Concert riba Plaza Betico Croes.
Musico Misionero
E banda Christafari ta un banda cu no solamente cu ta den top y ganadonan den Billboard di Reague Gospel, ta haci concierto na paisnan grandi, caminda cu tin mas di 100 mil hende presente, pero ta bay rond mundo pa predica e palabra, cual ta e principal motibo di nan. Pero tambe haci trabaonan misionero. Nan ta yama nan mes musico misionero.
Pasobra tur e ganashi cu nan ta haya di e conciertonan aki, nan ta bay paisnan manera den Centro America. E aña aki nan a bay Honduras, Guatemala y nan a bay Africa. Nan tabata na Kenia caminda cu nan a hiba cuminda, paña, remedi y tambe atencion social. Y lo mas importante e palabra di Dios.
Pakico nan ta bin Aruba, ta pa duna un concierto gratis y tambe pa predica e palabra di Dios. Pa laga tur hende sa cu no solamente e musica ta bon pa scucha, pero kico tin aden. Esey ta e motibo pa nan bin. Pa trece den musica e palabra di Dios.
Promocion
Ta bay diferente medio di comunicacion. E evento ta totalmente gratis y apto pa tur publico riba Plaza Betico. Tur hende ta mas cu bon bini. Ta bay diferente luga manera scol. Tin hopi posibilidad cu nan lo bishita KIA tambe, pasobra tur hende cera eynan, maske cu nan por a faya y haci un fout, pero nan tambe mester di palabra di speransa pa e dianan aki.
Artistanan invita
Durante e evento ta bay tin artistanan local. E evento mes ta cuminsa pa 6’or y mey. Ta bay tin participacion di Shanon Bueno, ta bay tin Iron Music, ta bay tin un grupo di dansa di Iglesia Piedra Plat y tambe un grupo di dansa di Faith Revival. Ta invita henter pueblo di Aruba, bin diadomingo, dia 15 di december, for di 6’or y mey di atardi riba Plaza Betico Croes. No perde e oportunidad aki pa disfruta di Christafari.
