Prinses Beatrix ta bishita Saba y Sint Eustatius

Su Altesa Real Prinses Beatrix ta bishita Saba y Sint Eustatius diahuebs, dia 12 di y diabierna, dia 13 di december, respectivamente. E bishita na e dos islanan ta forma parti di Caribe Hulandes, ta dedica na e conservacion di naturalesa y e cooperativanan social.

Diahuebs 12 di december – Saba

Prinses Beatrix ta haci apertura di e ruta di Mary’s Point Trail den e parke nacional nobo Mount Scenery na Saba diahuebs mainta.

E ruta ta cuminsa den e boca di e isla y ta sigui den e ruinanan di Mary’s Point, un asentamento historico di principio di siglo 17.

E trapi di palo di mas cu 200 stupi ta traha di palonan di coriente bieu y poni pa e empleadonan di SCF (Saba Conservation Foundation) y boluntarionan.

E prinses a topa cu un serie di piscado local na e waf. Pesca ta un fuente importante di ingreso na Saba. E piscadonan di Saba a haci acuerdonan mutuo pa e mantene e poblacion di pisca sostenibel y saludabel.

Na 2017, a conclui un acuerdo cu a establece medidanan medidanan di maneho, manera e introduccion di un temporada di pesca pa cierto especienan di piscanan local.

Parti atardi, e prinses lo bishita e damanan di Saba cu a demostra nan habilidadnan pa haci kantklossen, un tipo di obra di man. Esaki ta un tradicion di Saba y ta forma parti di e historia di e isla. Nan ta reuni tur diahuebs pa mantene e tradicion aki.

Prinses Beatrix despues a bishita e jardinnan botanico. Na comienso di e jardin, el a revela un panel di informacion nobo. Hopi turista ta bin Saba pa e naturalesa, e jardin botanico ta haci’e accesibel pa esnan cu ta busca otro ruta riba e isla cu ta demasiado dificil.

Despues di e presentacion, e prinses a papia cu e empleado y e directornan di SCF y DCN.

Diabierna 13 di december: Sint Eustatius

Prinses Beatrix lo bishita ReforeStatia diabierna mainta, un proyecto di reforestacion na Sint Eustatius. E flora comun riba e isla ta wordo planta aki. E replantacion y e reforestacion ta necesario pa evita erosion.

Miles di palo a wordo distrui door di horcan Irma (2017), e matanan sobrante y e rais di e matanan ta ataca pa e cria salbahe. Como resultado, e tera no ta retene na hopi luga, loke ta haci cu e ta erosiona.

Despues Prinses lo haci un recorido cerca di e Granha di Tera y lo bishita e proyecto Made in Statia. Y na Earth Farm, e muchanan ta siña na un manera di wega riba naturalesa, e cuido di bestia y jardineria. Na Made in Statia, e prinses ta ricibi un splicacion riba un programa agricola sostenibel cu e obhetivo di proporciona e mercado local berdura, fruta y carni fresco. E organisacion ta traha hunto cu otro proyectonan manera ReforeStatia y Earth Farm.

E Prinses despues ta papia cu e hobennan ranger, empleado y boluntarionan di STENAPA (Fundacion di Parkenan Nacional Sint Eustatius) riba e importancia di e proyectonan local di conservacion di naturalesa.

Ademas, e combersacion ta trata riba e intercambio di conocimento y e cooperacion entre e islanan y e organisacionnan SCF, STENAPA y DCNA. Prinses Beatrix ta e patrona di DCNA.

Diabierna atardi, e prinses lo bishita e centro di atencion cristian despues di escol, e Fundacion Daughters of the King Foundation (D.O.T.K.). E fundacion ta ofrece actividadnan diario na mucha muhenan entre 5 y 12 aña pa ofrece nan un luga sigur. Ademas Prinses Beatrix ta bishitando e Mega D Youth Foundation. E organisacion ta yuda mucha muhe y mucha hombernan te cu 18 aña despues di scol cu tarea y e desaroyo di talento den e campo di medio, deporte, debate, baile y musica. E bishita di Prinses na Sint Eustatius ta conclui cu un actuacion musical conhunto di mucha di varios scol, fundacion y organisacionnan Hubenil: Simon Donker Club, STENAPA Junior Rangers, DOTK y Mega D Youth Foundation.