E trancamento enorme di 422 bapor den e Canal di Suez a yega na su fin ora cu e ultimo barconan pega a nabega door di e canal. Autoridad di Canal di Suez (SCA) a informa esaki. Diasabra, e ultimo 61 bapornan pega cu ainda tabata riba un rij a haci uzo di e canal na Egipto.
Trafico maritimo a traves di e Canal di Suez a para dia 23 di maart ora cu e bapor di container di 400 meter, Ever Given, a blokia e canal. Por a hala e bapor te cu dialuna. Poco despues, e canal por a habri bek pa nabegacion den ambos direccion. Mas di 10 porciento di comercio mundial ta transporta a traves di e Canal di Suez, un ruta crucial pa comercio entre China y Europa. Normalmente SCA ta procesa por lo menos cincuenta barco pa dia. E autoridad di e canal mester a aumenta e cantidad aki te cu nobenta barco pa dia pa asina reduci e atraso causa pa e trancamento, segun Bloomberg
E hecho cu no tin mas barco ta warda no ta nifica cu tur problema ta resolvi. Segun e transportador di container Maersk, e logistica di carga por tarda varios siman of hasta luna pa recupera por completo. Blokker y Zeeman, entre otro, a anuncia anteriormente cu a tene cuenta cu e productonan retrasa.
Diabierna anochi, presidente di SCA, Osama Rabie, a anuncia cu autoridad di e canal a cuminsa cu un investigacion riba e causa di e accidente di Ever Given. Te aworaki a busc posibel causa di biento fuerte y eror humano. Rabie ta spera di anuncia e resultadonan di estudio dentro di algun dia. SCA ta calcula previamente e daño total di e blokeo den un minimo di mil miyon di dollar, converti den 850 miyon di euro. Ainda no sa kende lo tin cu paga pa esaki. E areglo di daño por tuma varios aña, abogadonan a argumenta.
