Ta cumbini tur mayor pa lanta nan yiunan den disciplina y instruccion di Señor pasobra Dios no ta respalda pica, rebeldia y desobediencia.
Pasobra for di ora un mucha ta chikito nos tin cu guia e mucha den e caminda di Dios pa asina e crece cu respaldo di Dios, esey ta deber di tur mayor,
Obediencia di Noe na Dios a scapa su bida y su famia, y tur animal cu tabatin den e arca.
Obediencia di Abraham na Dios a hacie tata di nacionan.
Obediencia di Elias den tur locual Dios a bis’e haci , a pone cu e a haci oracion na Dios y Dios a manda candela for di cielo.
Obediencia di Moises na Dios a haci cu e a saca e pueblo di Israel for di Egypto, como un gran lider.
Obediencia di David na Dios a pone derota Goliat, sin ningun experiencia militar.
E obediencia di nos Señor Hesus Cristo na su Tata, a pone cu a awe ken cu kere den Hesus lo ta salba.
Desobediencia di David den adulterio y crimen tabatin consecuencia grave pa David y su familia pasobra Dios no ta cubri ni tampoco ta respalda pica.
E desobediencia di Saul a causa cu Dios a rechas’e como rey, pasobra Dios no ta respalda maldad.
E desobediencia di Moises na Dios a causa cu e keda sin drenta tera priminti,aunke e tabata un homber hopi humilde.
E desobediencia di Jonas na Dios a pone confronta mal tempo y wordo tira for di boto, y e pisca a guli Jonas, y e a keda den barica di pisca pa tres dia, pa asina e arepenti y haci locual Dios a bis’e.
Obediencia na Dios ta wordo respalda pa Dios su Spirito Santo, ( Hechonan 1:8) Hechonan 2:1-4) y no di hende.
Ta Dios mes a cubri Sadrac Mesac y Abednego den e forno di candela.
Ta Dios a cubri Daniel den e cueba di leon.
Ta Dios a cubri Hose den prizon na Egipto pa despues e bira gobernador di Egipto.
Hesus a bisa Pedro tres biaha cuida mi carnenan
Tur hende cu Dios yama, Dios ta respalda.
Pesey ta masha importante pa no uni nos mes den yugo desigual pa ningun motibo, pasobra Dios no ta uni hende den yugo desigual, pasobra Dios no ta cambia su palabra, Dios a bisa cu nos ta e tempel di e Dios bibo. Y lus no tin comunion cu scuridad, Of ki harmonia Cristo tin cu Belial?.Of ki combenio e tempel di Dios tin cu idolo? ( 2 Corintionan 6:14-16).
Ora nos no ta den boluntad di Dios,nos lo busca apoyo di hende, p’esey nos ta mira cuanto lucha pa apoya maldad, inmoralidad of abominacion pasobra cosnan asina Dios no ta respalda.
Ta un encargo hopi grandi, pero ora bo ta yama pa Dios ,bo mester keda spierta e pueblo, pa evita cu e pueblo ta rechasa Dios pa motibo di ignorancia , orguyo y fanatismo y ta drenta den cueba di scuridad.
Un seguro di auto no ta respalda un chauffeur burachi, un mayor responsabel no por respalda un yiu rebelde cu ta uza droga y ta cana cu arma.
Den Galationan 5:19-21 Dios ta mustra cu e no ta respalda obranan di carni y cu tur hende cu ta participa den esey lo no hereda reino di Dios.
Dios ta mustra hopi cla kico e no ta respalda, pa mayan cu Dios kier ningun hende no tin excuus.( Romanonan 1:18-32).
Caminda nos sa cu Dios no ta respalda, nos mester arepenti y aparta.
Sinceramente, Pastoor Marcel Balootje.
