Diadomingo pa manece dialuna, esta despues di 12:00 am, polis como brandweer mester a presenta na un apartamento den Savaneta. Esaki tabatin di haber cu escape di gas.
Habitante a bati alarma na momento cu tabatin un escape di gas fuerte. Polis a yega na e sitio y a ripara cu e holo di gas tabata uno basta fuerte. Di biaha nan a notifica brandweer riba e situacion. Brandweer a mobilisa rapidamente p’e sitio, mirando cu esaki por ocasiona un candela si bin un chispa.
Na yegada brandweer, di biaha e bomberonan a cuminsa revisa tur cos n’e apartamento. Nan a haci esey pa sigura cu e escape di gas por a bira pio. E holo di gas tabata asina fuerte cu por a hay’e para otro banda di caminda. Esey a pone cu e situacion tabata uno peligroso.
