Den fin di siman a tuma luga e concierto di Coldplay y IMAX @ Gloria a pasa esaki. Hopi persona a disfruta dje concierto di Coldplay.
E acogida tabata uno super bon. IMAX @ Gloria a haya e oportunidad pa pasa e concierto door di e distribuidornan pa pasa esaki. Devin de Veer, representante di Gloria – Movies Dining Entertainment & Play, a splica cu nan a probecha y ta contento cu e resultado di anochi.
E sala tabata practicamente sold out. Pa futuro e ta keda si nan haya e ‘derechonan’ pa si por pasa e conciertonan of no. Specialmente den e salanan di IMAX a cuminsa pasa un tiki mas dje conciertonan. De Veer ta kere cu pronto esaki lo bira algo cu por mira mas den teatro. Tambe e ta spera cu nan por haya oportunidad di e distribuidornan pa por pasa mas concierto. P’e concierto di Coldplay e acogida tabata uno hopi bon.
Ora ta trata di concierto, varios persona a acerca de Veer pa por haci esaki, esta pasa e concierto riba pantaya den IMAX @ Gloria. Ta mira cu e interes t’ey, pero ta bon pa sa cu na The Movies mester cumpli cu derecho di si mag of no mag. E no ta asina cu nan por yega pasa un pelicula of concierto sin derecho, pasobra nan tin un caminda pa cana y cumpli cu ne.
Pa mas lesa TREMPAN.COM.
