Recientemente un delegacion di Oficina di Turismo Aruba, tabata na Bogota, Colombia pa cumpli cu un agenda amplio di reunion y otro encuentronan importante cu coleganan di A.T.A. Latino America (LATAM).
E siman di reunion a habri cu un encuentro interno entre A.T.A. Aruba y A.T.A. LATAM. Despues a enfoca riba 2022, cu e agencianan tambe presente. Ta premira cu lo cera 2022 cu un total di 85.000 bishitante di e region. A sigui cu discusion di strategia pa 2023 y di accion tactico cu e mercado a defini. E meta pa 2023 ta pa atrae e bishitante cu ta gasta mas y pa atrae un total di 3% mas bishitante di e region. A discuti presupuesto pa 2023 y strategia pa e.o. a discuti e cinco mercadonan di LATAM (Brazil, Argentina, Chile, Peru y Colombia).
Mester remarca cu esaki tabata e ultimo reunion di Miriam Dabian como Director di Oficina di Turismo Latino America. Un encuentro special, bon atendí, a permiti A.T.A. gradici y enfatisa compromiso di Aruba cu e mercado!
A sostene tambe reunion, hunto cu aeropuerto di Aruba, cu Avianca, Wingo y Sarpa. Ta sigui enfoca riba reestablece capacidad cu a mira na 2019. Ta sigui tambe enfoca riba varios hub nobo na Colombia, manera a bin ta e caso e aña aki. Despues di e collapse dje mercado Venezolano, Latino America a trece cerca di 100.000 bishitante pa aña (durante e añanan no pandemico). Ta sigui reestablece e mercado aki, despues di e pandemia.
Pa 2023 A.T.A. ta premira resultado positivo como resultado di e diferente factornan cu lo traha riba dje, entre otro, strategia, mercadeo y mas conexion aereo.
