Diahuebs mainta 9’or, un grupo grandi di persona, grandi y chikito, famia completo a subi caya pa asina celebra Dia di Betico cu Centro di Bario Playa Pabao. Ya pa algun aña caba nan ta haci e biketour aki y e biaha aki e exito no tabata un excepcion. Masha hopi persona a busca nan bicicleta, prepara nan, tabata tin hopi mucha cu nan mayornan, tur participando den e actividad cu a sali for di Centro di Bario Playa Pabao, bay direccion Bubali, San Miguel, subi Sasaki, bay te banda di Malmok, pasa dilanti Tierra del Sol, pasa den Saliña Cerca y bin bek Playa, termina na Centro di Bario Playa Pabao. Tabata un actividad sumamente exitoso pa Centro di Bario Playa Pabao, cu ta preparando pa un celebracion hopi grandi di nan di 40 aniversario. Esaki ta parti di celebracion cu ya caba a cuminsa.
