Den e Pan American Masters Weightlifting Championships cu a tuma lugar na Orlando,
Florida fecha for di 30 mei pa 2 juni 2019. Aruba cu a bai cu un delegacion cu ta consisti di
Hugo Themen categoria di 73kg grupo edad 60-64 aña.
Americo Thijzen den categoria di 89kg grupo di edad 35 pa 39 aña, Jennifer Piter den categoria di 59kg grupo di edad 35 pa 39 aña y Walter Llerena for di Ecuador cu ta entrenador di seleccion di Aruba tambe a forma parti di e grupo di atleta masters. Den e evento Masters aki tabata tin participacion di mas di 300 atleta di e continente Panamericano. E campeonato aki a tuma lugar den e Ballroom di Wyndham Resort International Drive na Orlando , Florida, USA. Diahueps a competencia a cuminsa unda a toca turno pa Hugo Themen cu tabata tin 22 atleta den su grupo di edad di 60 pa 64 y den su categoria cuatro atleta. Hugo ta logra den su hisadanan den snatch 68kg, clean & jerk 81kg pa un total di 149kg. cu e resultado aki Hugo ta logra termina na di dos lugar ta gana dos medaya di Plata y un medaya di Brons pa Aruba.
Prome lugar a bai pa Frank Pinneiro di Estados Unidos cu un total di 187kg y Medaya di Brons a bai pa Hector Mota di Santo Domingo cu 148kg total. Diasabra a toca turno pa Walter Llerena cu a competi den categoria di 89kg tabata tin total di 31 atleta den su grupo di edad 45 pa 49 y den su categoria 7 atleta. Walter llerena ta logra den su hisadanan den snatch 121kg, clean & jerk 151kg pa un total di 272kg. cu e total aki Walter ta termina na di prome lugar y ta gana tres medaya di Oro pa pais Ecuador. Cu e hisadanan aki Walter ta logra kibra tres record Panamericano y un record Mundial. Secundo lugar a bai pa Thomas Seniur di Canada cu 253kg total y tercer lugar a bai pa Pablo Asuaga di Uruquay cu 223kg total
Diadomingo mainta a toca turno pa nos atleta femenino Jennifer Piter cu a competi pa
prome biaha den un Pan American Masters Weightlifting Championships. Jennifer den
categoria di 59kg den grupo di edad 35 pa 39 tabata tin un total di 50 atleta y den su
categoria 8 atleta. Jennifer ta logra den su hisada den snatch 68kg, clean & jerk 87kg pa un total di 155kg cu e total aki Jennifer ta sali na di dos lugar ta gana dos medaya di Plata
y 1 medaya di Brons pa Aruba. Prome lugar a bai pa Jennifer Butler di Estados Unidos cu
177kg total y tercer lugar a bai pa Whitney Nelsen di Canada cu 146kg total.
Por ultimo nos ta hanja Americo Thijzen cu tambe ta participa den un magno evento
asina. Den su grupo di edad 35 pa 39 tabata tin 35 atleta y den categoria di Americo
tabata tin 10 atleta. Americo den su hisadanan ta logra den snatch 94kg, clean & jerk
115kg pa un total di 209kg. cu e total aki Americo ta termina na di 8 lugar. Prome lugar a
bai pa David Spurr di cCanada cu un total di 270kg, secundo lugar a bai pa Nathan Long
di Estados Unidos cu 261kg total y tercer lugar a bai pa Willie Nealy tambe di Estados
Unidos cu 251kg total. Aruba Amateur Weightlifting Association kier a gradici Aeropuerto Internacional Reina Beatrix cu a cubri parti di e biahe y palabra di pabien grandi na e atletanan Hugo Themen, Walter Llerena, Jennifer Piter y Americo Thijzen cu nan medayanan y nan participacion den e Pan American Masters Weightlifting Championships teni na Orlando, Florida, USA. Den 2020 e Pan American Masters Weightlifting Championships lo bai tuma lugar na Puerto Rico.
