Aruba Little League a conoce su campeon den categoria Junior (13/14), e gran final a tuma lugar dialuna dia 27 di mei entre Aruba South Juior League y Aruba North Junior League, caminda e seleccion di Aruba North Junior League a titula campeon ganando asina e honor pa representa Aruba den e Junior League Baseball Latin American Region tournament na Reynosa Mexico dianan 6 – 12 di juli.
Por remarca cu den e categoria di Junior a desplega weganan emocionante durante dos dialuna sigui. Despues di a perde e prome partido contra South diasabra, e pitchernan Justin Morales a domina e wega di diadomingo cu a empata e serie na 1-1 y Ashton Kock ariba dialuna a completa e serie cu a termina 2-1 na fabor di Aruba North Junior League. ANLL ta manda palabranan di felicitacion pa e ekipo campeon di e categoria aki bou maneho di Revelino Maduro, coach Ricardo Jimenez y coach Baldrick Maduro.
Pabien na tur hungador cu lo representa Aruba na Mexico: Andres Franka, Ashton Kock, Brandon Hoftijzer, Dwayne Dabian, Faver Munoz, Franrick Espinosa, Justin Morales, Nigel Romero, Revan Maduro, Shanuar Boekhoudt, Shauwmir Maduro, Shawn Webb, Tai Vic Tromp y Vinshley Winterdal.
Diabierna 31 di mei a inicia pa 6:30pm di atardi na e veld di Pos Chikito e serie di best of five (5) pa e categoria di Intermediate (50/70) entre e seleccionan di Aruba North Intermediate League vs. Aruba Center Intermediate League. E partido a termina 6 – 7 na fabor di Aruba Center League. E schedule ta sigui como lo siguiente: Diasabra 1 juni 11:30am, Diadomingo 2 juni 11:30am, Diasabra 8 juni 11:30am y Diadomingo 9 juni 1:30pm. Tur partido ta tuma lugar na e veld di pos chikito. E resultado di e weganan aki lo determina ken lo representa Aruba den e categoria di Little Leage Intermediate Latin American Region tournament dianan 28 juni – 7 juli na Cartagena, Colombia. E seleccion pa Aruba North Intermediate League ta bou maneho di Giovanni Rafael, coach Aleric Kock y Giovanni Gill. Hungadornan: Gayquion Croes, Christian Barret, Jerald Henriquez, Emanuel Gonzalez, Zane Tromp, Christopher Oduber, Aleric Kock, Yandel Gill, Steve Heronimo, Ian Samson, Jeanoire Jacopucci, Renwick Kock, Gabriel Capellan y Joan Siera.
Diabierna 31 di mei tambe a continua e weganan di major league na veld di pos chikito pa 6:00pm di atardi entre e seleccionan di Aruba North Major League y Aruba Center Major League. Aruba North League a sali vencedor cu un score di 10-1 y awe Diasabra 1 juni Aruba North Major League vs Aruba South Major League lo enfrenta otro pa 12:30pm. Diadomingo 2 di juni Aruba South Major League vs Aruba Center Major League 12:30pm na veld di pos chikito. E seleccion di Aruba North Major League ta bou maneho di Pierre Richardson, coach Francis Kock y coach Julio Hernandez. Hungadornan: Sean Oduber, Reangelo Richardson, Yoxander Pillier, Jedion Farro, Rayshaun Werleman, Dijeandrick Wernet, Vince Ramada, Federic Irving, Evan Gei, Jaydwen Albertsz, Jayrick Alberts, Xenon Arends, Sion Kelly y Rayvon Loopstok.
Awe diasabra 1 di juni ta inicia tambe e partidonan di categorianan Minor cual lo cuminsa cu playoffs entre e tres liganan bon representa. E prome partido ta entre Aruba North Minor League vs Aruba Center Minor League pa 10:00am. Diadomingo 2 di juni Aruba Center Minor League vs Aruba South Minor League 10:00am y Dialuna 3 di juni Aruba South Minor League vs Aruba North Minor League 6:00pm. E seleccion di Aruba North Minor League ta bou maneho di Tai-Foo Lee, coach Giovanni Leocadia y coach Richinell Matos. Hungadornan: Xylon Starke, Khaeden Peterson, Javen Maduro, Ashwar Sprok, Jayton Bislip, Quin Tromp, Quiondrick Nicolas, E-Jay Figaroa, Tai Keng Lee, Jenson Schwengle, Jayonthlee Orman, Sicnarf Kelly, Seanriq Westerburger, Tai King Lee y Geon Hooi.
E temporada di mas dushi di e deporte di baseball ta tumando lugar y nos di Aruba Little League ta invita pueblo di Aruba completo pa bin apoya nos peloteronan hoben durante e campeonato di Aruba Little League 2019 trahando duro pa representa Aruba den e campeonatonan international den region, na caminda pa e prestigioso Little League World Series. Si bo ta apoyando Aruba North League corda cu e color di apoyo ta cora.
