Diaranson despues di 1:00 am, algun persona a nota dilanti Well Well un auto cu un homber eyden cu tabata actua agresivo.
Tin entendi cu aparentemente e persona aki tabatin un mucha den auto y tabata grita y zundra e mucha aki.
Na momento cu polis a bin n’e sitio, e persona aki no tabat’ey mas. Sinembargo un ciudadano cu tabata n’e sitio, a informa polis cu un rato prome el a mira un auto bandona e parkeerplaats di Well Well na un manera agresivo, pero no ta sigur si t’e mesun persona cu lo tabata grita un mucha den su auto.
E testigo a duna un descripcion di e auto na polis, cu por cierto a bin bek despues di un rato y a pasa dilanti di e restaurant. A bay su tras y a pone baha.
Polis a haci un control riba e vehiculo y e chauffeur pero no a haya nada for di su luga. Mirando cu e chauffeur ta biba algun caya tras di e restaurant, polis a compañ’e pa su cas y sigura cu e persona drenta su cas, sano y salbo.
