Dia 9 di augustus ultimo, den cooperacion cu Warda Costa di Sint Maarten, e barco di guera Hulandes Zr. Mr. Friesland a confisca mas cu 400 kilo di cocaina durante patruya den lama di Caribe.
E barco aki ta activo como “Stationschip” pa Area di Caribe. Durante un patruya regular e barco a topa cu un boto sospechoso cu tabata nabega bou di bandera Venezolano. E boto tabata sospechoso door cu e ruta cu el a desvia di dje y e forma di nabega.
Tabata den oranan di anochi cu el a wordo descubri door di e sensornan maritimo excelente di e helicopter NH90 cu ta riba e barco Zr. Ms Friesland. Despues cu a sigui e barco pa algun ora, a dicidi di haci uzo di NH90 pa un asercamento y haci un investigacion. Na e momento ey a constata con den forma diripiente e boto Venezolano a cambia di direccion. A dicidi di haci uzo di e botonan rapido di e barco, esta e FRISC, cu a bay direccion di e boto. A mira con di biaha nan a cuminsa tira pakinan den lama. Pero tripulantenan di e barco di guera e intercepta esakinan y a confisca nan pa despues hiba abordo di Zr. Ms. Friesland.
Den un control cu a sigui a constata cu ta trata di 406 kilo di cocaina y cual droga mientrastanto a wordo destrui caba.
Comandante di Zr. Ms Friesland, Kapitein Luitenant ter Zee l, Nicole Kuipers, ta positivo di e accion exitoso aki. “E confiscacion di e droga aki tabata danki na e tremendo cooperacion y trabou di team di e tripulacion di Zr. Ms. Friesland, di e Helicopter NH90 y miembronan di Guarda Costa di St. Maarten cu tabata abordo di e barco di guera.”
