Riba diasabra, 24 di november 2018, un grupo di 12 mucha a participa na e plataforma conoci como Social Inspiration Lab.
Esaki ta un resultado di un training cu a wordo duna door di Designathon Works di Hulanda, bou coordinacion di HopeAruba Movement na 18 facilitadornan di SILs cu a tuma luga na september, 2018.
E motivacion di Yolaine como futuro docente pa a organisa un Social Inspiration Lab ta door cu e ta kere den educacion cu ta duna nos muchanan e oportunidad pa pensa “out-of-the-box”. E ta di opinion cu SIL por contribui na duna e muchanan e oportunidad pa participa den cuestionnan civico. Di e forma aki Yolaine Wernet ta sinti su mes conecta cu e movemento pa asina mas muchanan por participa.
Yolaine ta wak un oportunidad pa medio di metodonan y hermentnan pa mas personanan den comunidad por participa activamente den organisa actividadnan cu por inspira e pensamento critico y inspirativo den nos tur.
Un total di 4 solucionnan of inventonan a wordo presenta door di e participantenan. E muchanan a enfoca riba e problematica di con nos por biba un bida mas confortabel na Aruba, y e solucionnan presenta ta relaciona cu diferente Sustainable Development Goals (Obhetivonan di Desaroyo Sostenibel).
Solucionnan cu a wordo presenta ta entre otro: pa hendenan cu ta biba riba caya y no tin cuminda por tin trucknan di cuminda cu ta pasa den caya. Esaki ta encera cu personanan den comunidad ta contribui boluntariamente na cumindanan pa e personanan aki pa medio di e truck.
Un otro problematica cu a wordo presenta ta e asunto di demasiado plastic riba vloer na Aruba. E muchanan a bin cu e proposicion pa bin cu un machine cu un “net” cu ta tuma tur e sushi cu tin riba caminda den forma di un robot.
Di e forma aki nos ta wak cu nos muchanan tambe tin solucionnan pa asina haci di nos pais uno miho. Masha pabien na Yolaine Wernet cu a tuma e iniciativa pa duna sosten na participacion civico!
Nos tin gran expectativa pa mas SIL organico wordo organisa door di e otro docentenan cu lo ricibi entrenamento na 2019.
Pa mas informacion di e proyecto aki, por bishita www.socialinspirationlab.org y www.hopearuba.org
Den e siguiente pagina tin imagennan di e Social Inspiration Lab organisa door di Yolaine Wernet
