Durante show di Magia di Pasco via TeleAruba, Nagico a anuncia ganadora abosluto di Carnaval Art Contest 2018 esta Atalja Dorff.
Un hobencita di 17 aña cu ta bishitando Colegio San Nicolaas a sa di pinta un bunita arte cu lo ser ilustra ariba diferente trailer durante Aruba su Carnaval 65. Nagico ta sumamente contento na tur nos hobenan cu a participa y a manda nan artwork durante di e campaña. Pa por a revela e ganador abosluto, e team di mercadeo a percura na manda un e-mail na tur hoben participante pa sintonisa Magia di Pasco caminda cu lo revela e ganador absoluto.
Representante di Nagico, Cefrenne y Jaisky a revela e ganadora Atalja Dorff na ilustra e arte en bibo. Durante entrega di premio na oficina di Nagico Dakota, Atalja a conta con e mes y su famia a corda di sintonisa Magia di Pasco y a keda pendiente pa e revelo di arte. Di sorpresa a mira e arte di Atalja y e famia a anima di e sorpresa.
Atalja su arte y inspiracion lo ser ilustra ariba diferente banda y tambe artwork di Nagico durante e temporada di Carnaval 2019. Alavez Atalja a gana un pasashi pa 2 pa Miami pa asina por bishita e grandioso Wynwood Art District.
Pa Nagico esaki tabata un campaña nobo, unico y sigur un placer di por aporta na e comunidad di arte y duna reconocimento na nos hobenan talentoso. Invitacion ta keda na e publico pa keda pendiente pa mas competencia durante di aña 2019.
Pabien un biaha mas na Atalja Dorff!
