A condena Shardyone Semerel di Corsou y Edwin Martinez naci na Amsterdam, pero di descendencia di Republica Dominicana, na pena di morto na Morocco diasabra, segun varios di medio di comunicacion Hulandes, entre otro RTL, Parool y tambe De Telegraaf.
Segun informacionnan difundi Semerel kier a tira doño di un cafe na Marrakesh na 2017, pero accidentalmente nan a mata otro hende, kende pa colmo ta yiu homber di un hues.
Ministerio di Relacionnan Exterior di Den Haag a confirma e decision di corte Maroki diasabra atardi.
Tur Hulandes tin derecho na asistencia consular. Ta depende di e personanan en cuestion si nan kier haci uzo of no di e posibilidad di apela,” un vocero a bisa.
“Hulanda ta comprometi cu e pena di morto, tambe na Morocco, na nivel di Union Europeo.” For di 1993 no a tuma luga condenanan di morto den e pais. Aña pasa, a aresta dos ruman di Ridouan Taghi bao di sospecho di ta envolvi den e asesinato. Na e momento ey, autoridadnan Maroki a bisa cu nan ta considera Taghi como e celebro tras di e complot di e asesinato. Na Hulanda, Taghi (41) ta e principal sospechoso den un extenso investigacion hudicial riba un serie di likidacion. Ainda e ta un fugitivo.
