WHATSAPP pronto lo ricibi un “feature” nobo y radical, pero pa desapunto di su fanaticonan e no ta e tan spera “dark mode”.
WhatsApp lansa mas cu un decada atras a bira un fenomeno mundial – e ta e app di comunicacion mas uza riba planeta.Un di e motibonan pa e exito di e app aki su “feature”nan cu a bin ta ampliando continuamente, riba android y iOS.Durante e ultimo aña un serie di feature nobo a yega riba e Whattsapp y cu ta inclui video call den grupo y yamada di bos, stickers y “picture-in-picture support”.
Pero e propietarionan no tin pensa di lague te ey, y un informe nobo ta menciona cu pronto por introduci un sistema di pago pa su clientenan cu ta manda mensahe.
E ta manera un competencia pa Google Pay cu ta masha popular rond mundo. E informe ta indica cu e feature aki di pago ta keda limita na India durante e lansamento.
Business Today a declara cu e compania ta planeando pa haci e mandamento di placa pa otro hendenan “mes facil cu manda un mensahe riba e plataforma”. Nan tin un acuerdo pa cu esaki cu e reglanan di Banco di Reserva di India.
A 2017 Apple a lansa Apple Cash, un caracteristica diseña pa manda placa pa otro via di iMessage. Aunke cu e funcion aki ainda ta limita na Merca, e ta hopi practico pa transferencia instantaneo. E informe di Business Today ta sugeri cu e sistema di Whattsapp lo no funciona di e mesun forma.
WhatsApp no a informa fecha exacto di e lansamento di e sistema di pago na India.
