Diadomingo e conoci di husticia cu ta causa hopi problema y ta violento a keda deteni. Ta trata di Giovanni Perez di Washington. Ultimamente e ta causando basta problema den e area di hotel caminda e turistanan ta.
Diadomingo el a comete un acto mahos cu un menor. E tata di e menor a tende y a sali busca Giovanni Perez. E menor a conta su tata cu Giovanni a horta cos di dje. Djey el a saca su curpa di homber y mustra e menor tambe. Ora e tata a yega cas, su yiu a cont’e kico a sosode.
Tata a dicidi cu mes lo sali busca drechi di Giovanni. A topa cu ne banda di CMB na Noord. E tata a baha regla cuenta mesora y sla a cay. Giovanni Perez a haya basta sla y su boca tabata tur kibra.
Esunnan eybanda a bati alarma mesora y polis di Noord a presenta. Recherche cu tabata bezig eybanda tambe a pasa. A detene Giovanni Perez y tambe e tata cu a sali pa honor y dignidad di su yiu menor di edad. Ambos a bay warda unda mester duna cuenta di tur loke a sosode di comienso te final.
