Manera otro lidernan di partido, Ursell Arends, lider di partido Raiz, tambe a duna su comentario riba e caida di gabinete Wever-Croes. E ta conta cu a sigui e acontecimento aki di cerca. Esaki a bin cu un sentimento mixto, pasobra ta un berguensa nacional pa e epoca cu ta bibando aden (2021), ta detecta corupcion na e nivel di mas halto di gobierno y parlamento.
Di un otro banda ta trece sentimento pa por ta orguyoso. Pa prome biaha den historia di Aruba un gobierno ta baha pa falta di cumplimento di reglanan di integridad. Ta e sentimentonan cu e ta bin cu ne, segun Arends. Na 2017 tur hende a bin hunto y a lanta e plataforma Raiz, pa para gastamento di placa y e falta di transparencia cu a tuma luga.
Trabao di Raiz no a caba y ta algo cu lo sigui duna contenido. Loke cu a propone na 2017, awo mas cu nunca mester bin. Mester bin un minister di integridad unda cu por bin cu control prome cu placa sali y no despues. Arends ta enfatisa cu mester bin control fo’i un comienso cu si tin duda unda e placa lo ta aloca, e ora e placa no ta sali.
Ta tipo di cosnan cu a bin ta traha desde nan comienso. A tuma esaki tambe como sentimento mixto, manera a bisa anterior.
Segun Arends, for di juli 2020 te cu october, minister Marisol Lopez-Tromp a detecta e iregularidadnan cu tabata tuma luga den e coalicion y tambe den partido POR. Ta e mesun minister Bikker a bula su cabes. Ta fo’i dje tempo ey caba Raiz a bisa cu nan tabata robes bezig.
Awe por mira kico a pasa cu e iregularidadnan cu probablemente a constata e tempo ey, tabata tumando luga. Ta cosnan cu como pueblo mester para keto y analisa. Mas cu tur cos, Raiz ta cla pa eleccion for di aña pasa y awo cu eleccion ta proponi pa juni ta
bay ta cla pa esaki.
