Dialuna ultimo a haya update riba COVID den Parlamento mirando cu Crisis Team tabata presente. Segun parlamentario Setty Yarzagaray di fraccion di MEP, mester premira na e parti positivo cu ta biniendo. ATA, presente den parlamento, a duna informacion con 2020 a cera, pero tambe kico ta premira cu lo tuma luga den 2021. E scenario 2020 cu a perde 37% di turismo. Esta a perde 62% compara cu 2019. Esaki ta hopi significativo mirando cu turismo ta un industria ta e pilar di e stoel cu nos ta sinta ariba cual ta economia.
Pa 2021 final, lo yega bek na nivelnan cu nos tabata na 1991, e parlamentario a comenta. No ta facil pa bisa cu a bay 20 aña atras. Esey ta resulta cu e makinaria turismo lo ta poni riba un trein ta para na un situacion cu impacto grandi pa Aruba.
E embergadura di e crisis aki no ta di compara. Desde reapertura di frontera despues di 3 luna cera, tur cos tabata keto. For di ey, den e caso di GDP a lesa den rapport di IMF unda ta indica cu a bay atras na ingreso di Aruba.
Tur esaki cu na 2021 ta premira cu si ta bay den un scenario mas di cautela pero mas optimista y ta premira cu den di dos kwartaal ta subi bek na un nivel surpasando di nivel di e cantidad di turistanan.
Pero e ta toch super dependiente di tur hende como pueblo di con ta bay comporta. Si kier cuminsa depende riba ingreso y bay bek pa para riba pia, ta depende di pueblo. A mira cu den augustus/september na momento cu casonan a subi. Aruba a haya un codigo oraño caminda no por a biaha. Si kier bay den e di dos mita di aña cu scenarionan mas positivo premira, ta depende di nos comportacion y esaki ta importante.
