Diadomingo anochi algo prome cu 11 or, tres homber papia spaño a drenta cas na Ponton. Den e parcela situa poco pa pabou di Hua Run riba Caya Ernesto Petronia tabata tin dos hende. E atracadornan a saca arma di candela riba un hende den cas.
E atracadornan a pone e doño di e cas bay den camber unda su ruman homber tabata drumi. Nan a lanta e ruman for di soño y a bai over na mara nan man cu un faha y hinca paña den nan boca. Bou menasa a exigi pa pertenencianan di balor, nan a logra bay cu un flat screen, dos telefon y 1700 Florin den cash. 
E tres atracador a pidi yabi di e auto staciona den cura di e cas. Nan a hinca tur cos horta den e Kia Picanto cu number A-3280 y baha na awa. E habitantenan tabata den shock pa e sucedido a bati alarma na Polis. Recherche di Atraco Team y Team Forensico a yega e sitio pa cuminsa cu e investigacion.
v
