Rond di 3:00 varios unidad a bay direccion di Ponton. Esaki tabata relaciona cu un caso poco sospechoso cu a tuma luga un rato prome.
Inicialmente a haya informacion cu e Nissan March (A-51704) tabata den area di Madiki den forma sospechoso. Nan lo a baha na un cas y a purba drenta den dje. Tambe tin hende a mira cu un di nan tabatin cara tapa.
Polis cu a yega na e sitio a dicidi pero no a hay’e e vehiculo. A cuminsa cu un buskeda y den esaki a pidi ayudo di otro patruyanan.
Finalmente a topa cu e auto aki den area di Ponton, na Pitastraat. Ey diferente unidad policial a rondona e auto sospechoso y nan no por a haci nada mas pa huy.
A baha tur tres persona for di e vehiculo y asina a bin descubri mas cu un arma blanco den e auto. No ta conoci kico mas tin den e vehiculo cu lo hiba warda pa mas investigacion.
