Devastador tabata pa famia di Ellery Fabian Gustina Fraay, ora cu nan a haya sa cu nan ser stima a wordo ranca for di nan den un accidente di trafico cu a tuma luga dialuna, dia 8 di October riba Pater Eeuwensweg.
E hoben di apenas 23 aña di edad, a fayece na momento cu despues cu el a baha for di e crucero Pulmantur, sin cu su mama sa, pa bay busca un Playstation na cas, hunto cu dos amigo, pa despues bay e barco bek pa e por cuminsa cu su vakantie hunto cu su famianan.
El a perde aparentemente control di su auto y a accidenta na un manera violento.
Despues cu e accidente a tuma luga, team di rescate di cuerpo di bombero mester a corta e auto pa asina saca un di e victimanan kende a keda pega den. E chauffeur y ambos amigo a keda seriamente herida y a wordo hiba cu urgencia pa hospital pa asina ricibi tratamento medico avansa.
Pero lamentablemente e chauffeur, e hoben Ellery, no a scapa y a fayece.
Na momento cu a bay pone su mama na altura, el a nenga cu ta su yiu, pasobra nan dos a check in riba barco hunto. Despues despues cu a realisa cu no ta asina, una bes cu nan a yega Boneiro, mirando cu e barco a sali for di puerto di Corsou caba, e famia por a baha y coy e prome avion disponibel pa bay Corsou bek, pa asina atende cu e situacion sumamente tristo aki.
E dicho “Miho laat cu nunca” lo a sirbi di guia aki, pero destino tabata cruel pa e victima.
Dos primo, un destino cruel
Dos aña 2016, e victima, den oranan di anochi a busca su primo y nan a sali riba caya cu un Toyota Vitz, stuur man drechi. Velocidad halto a pone cu nan a perde control riba e vehiculo riba Caracasbaaiweg y a dal den muraya di un resort.
E primo a fayece den e accidente aki.
Fraay a keda na bida y e hecho a keda semper pone sinti malo. Semper el a keda cu un duele cu su primo a fayece.
Despues di dos aña cu tabata dialuna cu a pasa, e mesun persona aki, su mama cu famia mester a biaha cu Pulmantur, manera cu nos a indica caba den e articulo, unda cu dialuna nan mester a bay cu vakantie. Nan a check in, a subi Pulmantur. Dado momento Fraay a baha for di e barco.
For di fuente di cerca a haya sa cu e mama tabata sa, pasobra tur a baha hunto bay Renaissance bay cana. Fraay a drenta auto cu su amigonan, pa e bay nan cas pa bay busca un Playstation.
Despues e mama mes a bay barco ward’e pa e bin bek. Sinembargo, e mama no tabata sa cu el a drenta auto bek. Nan tabata sa te caminda cu tabata hunto den e mall di Renaissance, pega cu Megapeir.
Na momento cu nan tabata biniendo bek pa bay e barco, nan a accidenta 2 minuut for di Megapier. Caminda cu nan a dal cu auto, por a mira hasta e barco para.
Tabata tin tres herido ora cu e melding a drenta, despues di un rato Fraay a fayece na e sitio.
Despues cu e accidente a pasa, e barco a sali sin e victima.
Ta ora cu nan a yega Boneiro diamars, mirando cu no tabata tin conexion di internet despues cu nan a sali for di Corsou, e ora e famia a dicidi coy un avion y bay bek Corsou.
Nan barco a sali bay, keriendo cu e yiu tabata abordo.
Cu otro palabra, dos aña pasa, e primo a fayece den accidente di auto y dialuna cu a pasa, e otro primo a muri. Tur dos primo cu a stima otro, a fayece den e mesun manera.
Na famia di e hoben Ellery Fabian Gustina Fraay, ta bay palabra di profundo condolencia.
