Manera ta un custumber tur aña a tuma luga e Caminda di Cruz unda cu hopi persona religioso a tuma luga. Un grupo di religioso a topa na Dakota pa asina sali cana direccion Kapel di Alto Vista. Un otro grupo a sali desde Paradera.
Riba Diahuebs Santo a tuma luga e di diesnuebe peregrinacion y Caminda di Cruz. Esaki a sali pa 11:30 pm. Aki e religiosonan tabata canta, pero tabatin lesamento di Santo Rosario. Incluso a contempla bida, pasion y morto di Hesus.
Esunnan cu a participa tabata compaña pa polis p’asina nan por a yega te Alto Vista. Aki e gruponan ta pasa na cada cruz pa haci oracion te ora yega n’e Kapel di Alto Vista. E Caminda di Cruz ta un momento di solemne. Aki e hendenan ta bini hunto unda ta conmemora e crucificacion di Hesucristo.
