Bierna Santo ta un di e conmemoracionnan mas representativo y profundo di cristianismo, den cual ta recorda e crucifixion y morto di Hesus di Nazareth na Sero di Calvario. Ta conmemora e dia aki durante Siman Santo como parti di e Triduo Pascual.
Segun e relato di e Evangelionan, e soldaatnan real, guia pa e discipulo di Hesus, Hudas Iscariot, a aresta Hesus den e hofi di Getsemani, cu ta keda oost di Jeruzalem, na pia di e Sero di Olijfi. Hudas a ricibi 30 moneda di plata pa a traiciona Hesus y el a bisa e guardianan cu nan lo mester aresta esun cu e sunchi. Despues di su aresto, a hiba Hesus p’e cas di Anas, suegro di e sacerdote mayor, Caifas.
E ta forma parti di Semana Santa, unda cu miyones di cristian rond mundo ta recorda e pasion, morto y resureccion di Cristo. Segun Evangelio, e lidernan hudiu hunto cu gobernador Herodes y finalmente Poncio Pilatus a husga Hesus cu a conden’e na morto y a bistie un corona di sumpiña.
Segun e relato di e Evangelionan, e soldaatnan real, guia pa e discipulo di Hesus, Hudas Iscariot, a aresta Hesus den e hofi di Getsemani, cu ta keda oost di Jeruzalem, na pia di e Sero di Olijfi. Hudas a ricibi 30 moneda di plata pa a traiciona Hesus y el a bisa e guardianan cu nan lo mester aresta esun cu e sunchi. Despues di su aresto, a hiba Hesus p’e cas di Anas, suegro di e sacerdote mayor, Caifas.
Getsemani ta aparece den Mateo 26:36 y Marcos 14:32. Den evangelio di Huan ta bisa cu Hesus a drenta un hofi cu su discipulonan. E nomber di Getsemani ta aparece den e evangelionan y ta bin di Arameo cu ta nifica ‘).‘presa di olijfi (e tabata referi n’e azeta di olijfi). Al parecer tabatin un gran cantidad di mata di olijfi cu tabata rondona e area den e tempo ey. Tur e evangelionan ta haci referencia n’e luga aki di un of otro forma.
Hesus, segun evangelio, Hesus a carga su cruz te na Sero di Calvario, yuda pa Simon di Cirene den e trayecto y finalmente a clab’e na cruz, unda el a muri. E mesun dia, a baha Hesus di cruz y der’e.
CONMEMORACION
Bierna Santo ta e morto di Nos Señor Hesucristo ariba e cruz. E tin su nificacion, el a cuminsa for di den Genesis caba, ora cu Moises mester a saca e pueblo for di Egipto. A sacrifica e lamchi caba y a hunta e sanger rond di e kozijn, unda cu e angel di morto a pasa bay.
Aworaki e ta ora cu Huan ta bisa: “Ata e lamchi di Dios cu ta kita pica di mundo”. Loke a pasa ta cu Hesus a tuma e curpa di un sirbido, el a tuma e cruz y el a muri. E mester a muri pa asina e morto di pica ta bin y e parti despues diadomingo, cu ta conmemora y celebra e Resureccion di Hesucristo. Henter e siman ta un siman hopi importante, como creyente, pa loke El a haci pa nos na cruz di Calvario.
Loke ta haci e dia aki mas special, ta e hecho cu Hesus a resucita.. Esey kiermen cu ta el a muri pa nos picanan, e pago di nos picanan ta morto. Pero Hesus a paga nos picanan, pero El a resucita pa nos tin bida eterno. Esun cu kere den Cristo, no ta muri. Pero ta ricibi e regalo di Bida Eterno, un dia nos cada un lo ta den presencia di nos Señor Hesucristo. Esey ta loke Hesus a haci pa nos na e Cruz di Calvario.
BASE
Loke nos ta spera cu hopi clamor riba dje ta loke Hesus a haci pa nos na e cruz di Calvario. ta E nificacion mas grandi di e dia aki, ta e nificacion di e graf bashi. Esey kiermen cu el a resucita. E tin un nificacion grandi. Nos ta muri cu ne y nos ta resucita bek den e bida. E scritura ta bisa: “Tur cos bieu a pasa caba y tur cos ta bira nobo”.
Esey ta duna nos e poder di resureccion, tur bicio lo bay, tur pica lo wordo kibra y asina nos ta bira un hende nobo den Cristo Hesus.
ENSEÑANSA
Ta masha importante pa forma e muchanan di chikito, como muchanan cu norma y balor. Pero tambe muchanan pa siña pone Dios na prome luga den nan bida y curason.
Cada dia ta siña di e palabra pa asina por siña norma- y balornan biblico, pa hacibo un miho ciudadano, pero como yiu di Dios, pa sigui crece pa tin influencia ariba e otronan.
AMOR PA DIOS
Hesus a bisa “laga e muchanan bini cerca mi, ya cu ta di nan e Reino di Shelo ta”. Un mucha di 5 aña tin hopi amor pa Dios. Aunke cu e mucha no a biba ainda, pero Dios ta bisa cu nos a nace pecador, pasobra tur a comete pica. Nos a nace pecador y nos ta falta e gloria Dios.
P’esey Dios a manda Su Unico Yiu Hesus, pa bin y muri pa nos, pa nos por tin bida eterno. E mucha ey ta compronde cu e tambe por habri su curason pa Dios, pa asina e por tin Dios y laga Dios tin e prome luga den su bida.
PEER PRESSURE
No ta facil pa siña un mucha di e palabra di Dios. Lo ta mas facil pa atribui y siñanan di e palabra di Dios na cas. E palabra di Dios ta bisa, “siña e mucha di chikito di e palabra di Dios y e lo no aparta”.
Pero ta haya hopi hende cu no ta kere of no kier siña nan yiunan mas di Dios. Ta haya tambe e muchanan bandona, tin hopi rebeldia y hopi rabia. Pero Dios ta esun cu ta haci e obra.
