Un noticia cu a hala atencion awe diadomingo tabata e tiroteo cu morto den un fiesta di studiante na Texas. Autoridadnan ta en busca di e sospechoso.
Un pistolero a mata dos persona den un fiesta di studiante den area di Greenville, den estado di Texas, y diescuatro otro persona a resulta herida. Polis na Texas ta buscando e sospechoso, kende ta fugitivo. E buskeda ta hopi dificil pa motibo cu testigonan no kier papia.
Den un relato pasa na CNN, ta menciona cu e homber a cuminsa tira rond den e fiesta di diasabra anochi pafo di e campus di A&M University of Texas. Ta parce cu e tabata buscando un persona na e fiesta unda cu tabatin 750 persona.
Despues di e prome tironan, tur hende a spanta y nan a cuminsa huy, incluyendo esun responsabel pa e tiramento.
Di e diescuatro heridonan, diesdos tabatin herida di bala y tur a wordo trata den hospital di Greenville.
