Un temblor di magnitud 5.5 Richter a sacudi Puerto Rico. Esaki a sosode diasabra mainta trempan na e ciudad Ponce y a comete daño riba algun edificio. No tin informacion di casualidadnan.
E epicentro di e temblor tabata den lma na e parti zuid di costa, pero no tin advertencia di tsunami. Tambe US Geological Survey a registra aftershocks den e 90 minuut despues di inicio e temblor. E ciudadnan cu tambe a sinti e temblo tabata Guanica y Guayanilla, unda cu mas di 100 cas a keda destrui of cu daño durante e temblor di 6.4 na januari, cu a mata 1 hende.
E temblor aki a sosode despues di casi dos luna cu Puerto Rico ta den lockdown pa preveni cu Coronavirus plama. Gobernador Wanda Vazquez a pone riba Twitter cu e team di rescate ta controlando henter e area y cu e lo bay eynan pa topa cu esnan afecta. “Si bo infrastructura ta daña, bo mester bay cu bo mondkapje y tas di emergencia,” el a bisa, urgiendo hendenan pa keda trankil.
E alcalde di Ponce, Maria Melendez, a pone riba su Twitter algun potret di e daño na e ciudad y pidiendo hendenan pa “evita bay e centro di ciudad te ora cu sigura tur hende ta safe.”
Victor Huerfano, director di Seismic Network di Puerto Rico, a bisa Associated Press cu ta comprendibel cu hopi hende tin miedo y sorprendi p’e mas reciente temblor, no ta inusual mirando e actividad sismico cu a cuminsa den e region na december.
