Brahma Kumaris su punto di bista spiritual riba COVID-19 (parti 4)

Corona Virus a bin trece e mensahe di “KARUNA”, cu ta nifica haci algo pa bo mes of pa otro cu e nivel mas halto di compasion. Esta cu Amor, Cariño, “Mercy”, Pordon, No-violencia y Generosidad. Esaki ta virtudnan cu nos tur ta carga den nos.

E metodo spiritual, “Karuna”, ta un experimento cu cada uno di nos por practica colectivamente durante e dianan aki pa yuda habri nos curason pa atende cu e situacion actual di e Coronavirus di un manera positivo pa proteha nos mes y otronan.

Den cada un di e precaucionnan cu nos tin cu tuma of reglanan cu nos tin cu sigui, nos por scoge pa haci nan cu compasion. E 2 virtud nan pa experimenta cu ne:

E virtud No-violencia cu compasion

E naturaleza di mas profundo di e curason di e ser humano ta No violencia, confiando loke ta berdad y real, liber di confusion y miedo. Den e tempo di insiguridad, no bira confundi.

Tin hende ta comporta di cierto manera violento, causa pa miedo, panico of confusion. Pa otro hende, no-violencia cu compasion ta wordo miho practica den tempo di insiguridad. Den e tempo aki, hendenan aki spontaneamente ta actua fo’i nan curason, nan ta bin hunto den comunidad manera un famia humano. 

E virtud generosidad cu compasion

Generosidad cu compasion ta spierta bondad den e alma y ta yuda nos actua guia pa nos curason y no pa EGO y Goloso. Como famia humano nos tin cu atende cu retonan di bida cu humildad, calmo y curashi.  Generosidad cu compasion ta urgi nos pa habri nos curason pa nos hendenan y nos planeta y stop di mira bida cu wowo golos. Asina ta preveni pa nos bira mente cera, solitario, amarga y resenti. Generosidad cu compasion ta biba fo’I un luga di autenticidad y abundancia. E ta habri nos wowo pa mira bida manera e ta (un normalidad nobo), en bes di con e lo mester ta. Generosidad ta yuda nos biba un bida puro di curason pa curason y altruista. 

KEDA CAS- ta un regla cu nos ta sigui pa evita e virus di plama- No bay den panico.

Tin panico ta core den sociedad ora hende mester keda cas obligatoriamente. E mente ta dirigi riba “sobrevivencia di esun mas fuerte”. Por aplica generosidad cu compasion door di recorda nos mes riba: “menos ta mas”, tin suficiente pa necesidad di cada hende, pero no pa goloseria di tur hende” y comparti ta un sentimento di “care” pa otro. Practica  generosidad den tempo di crisis ta trece un sentimento di un comunidad uni y conecta cu otro, liber di egoismo.

Concluyendo, e pensamento y speransa di e practica di e metodo spiritual KARUNA- “compasion”, “amor”, “cariño”, “pordon”, “no violencia” y “generosidad”  ta pa e famia humano por habri su curason y atende cu e situacion di Corona virus di un manera mas eleva.

Kico esaki lo por trece?

Pensa riba Karuna-COMPASION como un satelite spiritual mas aya di forsa di gravedad di universo y almanan como modem bibo planta strategicamente rond mundo. Ta for di e “Fuente mas Halto” nos ta genera Karuna-COMPASION pa trece transformacion.  Almanan ta sernan spiritual y ora nan ta conecta cu e “Fuente” di forsa spiritual- e Ser Supremo-, e Karuna-COMPASION colectivamente acumula por plama instantaneamente rond mundo y asina trece transformacion.  Esaki ta Raja Yoga meditacion, cu ta e forma di meditacion practica na Brahma Kumaris.

Ban practica hunto colectivamente compasion pa otro, door di pensa, papia y actua cu Amor, cariño, pordon, no-violencia y generosidad.