Ta parce cu e polis Gregory E. Wouters tin mas asunto pa splica awo cu el a entrega su proces-verbaal, di cual e evidencianan ta mustra un realidad completamente diferente. Ta parce cu e realidad den mente di e polis y esun cu por demostra cu prueba riba papel no ta concorda cu otro. Y esey awo a causa cu famia di e victima ta cuestiona integridad di Cuerpo Policial Aruba y di henter nos aparato hudicial.
Nan a busca defensa di abogado mr. Chris Lejuez, cu hunto cu un ekipo forensico di Merca, ta constata cu e sucedido di dia 19 di februari ta un simpel chauffeur burachi, pero cu polis a tir’e pa mata y despues no a conta e berdad riba papel tampoco. Tin un chens cu e sospechoso pronto por bira victima!
Pa purba hustifica e bashamento di bala, e polis a bisa cu e chauffeur a manda auto riba dje, pues di dilanti y cu el a tira riba e hood. Pero e investigacion ta mustra cu esey no por tabata posibel y ni a sosode asina tampoco. Mas bien sea e polis a tira durante pleno persecucion of ora e auto a para caba y a tir’e di patras, di trinshon! Pasobra e balanan tur a drenta via e backshield di e auto y den banda, pues hasta ora e chauffeur tabata herida caba tras di stuur, ainda e polis a pasa den banda y los e tiro final na su garganta, pero e bala a drenta y sali sin mat’e.
Pa un relato completo cu rapport forensico, inscribi y lesa TREMPAN di awe!
