Diadomingo merdia pa atardi a tuma luga un expo na Centro di Bario Tanki Leendert. Aki ta caminda cu Homeschool Paradera hunto cu su studiantenan a expone varios pintura. E scol mes tin dos grupo cu ta consisti di cuarenta mucha.
Desde algun luna caba e muchanan tabata bezig cu un proyecto di pintamento. Tur e pinturanan ta na benta, cu meta pa recauda fondo pa e maestro- y begeleidernan bay un biahe di estudio. E meta tras di e biahe aki ta pa mehora e calidad di educacion pa e studiantenan di scol, segun Gamarra.
E tema di e pinturanan ta relaciona cu naturalesa y tambe lama. E prijsnan ta varia, cuminsando di trinta florin caba por haya un pintura. E scol mes lo entrega e pintura pa tur cu a cumpra. Pa mas informacion tocante e expo aki por subi riba pagina di facebook Homeschool Paradera y esunnan cu kier haci un donacion, por haci esaki via nan cuenta di banco esta:
Homeschool@Paradera (foundation)
Address:
Nuñe # 5-E (Paradera)
CMB – 65076308 – Homeschool Paradera.
