Autoridadnan di Schleswig-Holstein a detecta casonan di griep H5N8 den un boerderij di galiña y a conclui cu e enfermedad aki a propaga entre e parhanan salbahe cu ta cana rond, segun e Ministerio di Agricultura di e estado aki di Alemania a confirma.
Ocho galiña a muri den e instalacion aki den un plazo di tempo cortico, mientras cu algun specialista a sacrifica y a deshaci di e otronan, Reuters ta informa.E aña aki ya tabata tin un situacion semehante den otro boerderij den Lower Saxon, otro region den nort di Alemania.
Di su parti, ministerio di Agricultura di Hulanda a ordo pa mata 200 mil galiña den e localidad di Puiflijk despues di a descubri un brote di griep di parha altamente contagioso.Na comienso di e siman aki, e Gobierno Britanico a manda pa caba cu bida di 13 mil parha den un boerderij di Frodsham (Inglatera, Reino uni) unda cu tambe nan a haya varios caso.E Organisacion Mundial di Salud (WHO) ta calcula cu e riesgo di contagio di e griep aviar cerca humano ta abao, pero no ta descarta por completo e posibilidad aki.
