Diabierna 18 di mei proximo play off semi final oficialmente ta cuminsa ora cu e Pumanan di Piedra Plat / Paradera enfrenta e Narajandanan di St Cruz den stadion Guillermo P. Trinidad na Dakota. Durante campeonato regular e dos teamnan aki a hasi cos di amigo y den ambos wega nan a keda empata.
Den play off no tin amigo pasobra cada punto ta conta pa por jega na e meta prinsipal cu ta titula campeon di Aruba. Esdicir cu e wega di otro siman diabierna lo bira candela deportivo. Estrella tin 44 gol na fabor y 20 contra mientras cu SV Britannia tin 36 gol na fabor y 25 contra.
Ambos equipo sigur ta bon prepara y ta spera un jeno total den stadion Guillermo P. Trinidad diabierna awor. Nos por a comprende cu AVB tin prepara un apertura masha colorido y cu e wega lo wordo transmiti pa Diario TV / Futbol Aruba y tambe cu lo tin varios otro radio y media presente. Nos ta desea ambos team tur clase di exito diabierna otro siman y cu may the best team win.
