Organisacion Caballista Arubano (OCA) su selecion di Jinete & Amazona ta den training intensivo pa representa Aruba den e proximo Mundial “Felix Santiago Oliver” cual lo tuma luga na Puerto Rico di 18 pa 21 di juli.
Un total di 6 participante lo forma parti di e ekipo cu lo representa Aruba cual ta Mia-Rose Tromp, Zachary Coffie, Courtney Irausquin, Carolina de Cuba, Genesis Pietersz y Lea Vink.
E paisnan participante ta entre otro Canada, Colombia, Corsou, Republica Dominicana, USA, Panama, Ecuador, Venezuela, y Puerto Rico. Lo tin un participacion di mas cu 250 Jinete y Amazona di edad di 4 aña te cu mayor di 25 aña.
Den e disciplina di equitacion di cabaynan di Paso Fino, e Mundial ta e evento di nivel mas halto cu por yega pa participa. E team ta bou guia di Harold Zuleta ken lo acompaña nan na Puerto Rico y tambe a ricibi guia di Gino Werleman na Aruba.
