E doño di e stroller aki ta buscando esaki bek. Esnan cu tabata cu e stroller bayendo pa coy transporte publico a laga esaki den Ritz. A entrega e stroller costoso pa nan warda esaki.
E señora cu a laga e stroller tabata cu su nieto. El a lage na Ritz y coy autobus bay Playa pa atende cu dokter na Hospital. Despues di algun dia of mas cu un siman a bolbe pa busca e stroller. A bin tende cu e stroller no tey mas. Aunke a purba atende cu esnan cu a tuma esaki pa mira su por haye bek, tog tog no a haya e trato desea. Kizas berdad nan a lage mas tempo cu a spera warda na Ritz, pero esey no nifica cu por coy e stroller duna hende.
Ta wordo bisa eyden cu otro hende a bin buske. Ningun hende a wordo manda eynan pa busca e stroller. Esey nifica cu un trahador di Ritz mes a sea bay cune of duna hende. E no ta un stroller barata. Pesey e doño kier su stroller bek. Si abo tin e stroller of sa ken tin e stroller, porfabor yama 6614241. E stroller ta importante pa e famia. A base di confianza a laga esaki na Ritz pero e fabor aki a sali nan di malo. No ta cuestion cu nan a djis hisa benta lage atras con cu ta. A entrega esaki na esnan responsabel na Ritz. Ta spera cu esun cu a duna hende of a bay cune intencionalmente, trece esaki bek pa su doño of yame na e number indica.
