Diabierna atardi rond di 2or un truck ta pasa ranca waya di coriente riba caminda di Bucuti. Esaki a trece consecuencia varios cas den e bario ey.
Segun por a compronde, varios na Kas Paloma, Bucutiweg y Simeon Antonio a keda sin coriente. ELMAR a manda dos truck y personal na e sitio pa trata di cambia e waya(nan) mas lihe posibel y evita mas molester pa e habitantenan.
E truck cu supuestamente a causa e accidente aki no tabata na e sitio. Awo lo bay cuminsa haci un investigacion pa mira kende ta bay para responsabel pa e gasto aki.
