Papaya Racing Team ta un ekipo cu ta competi na caredanan di auto chikito, mihor conoci como Hot Wheels, desde 2016. Despues di exitoso inauguracion di pista y caredanan di Hot Wheels na mei 2023 na Papaya Ranch, e peticion a bira uno grandi pa organisa un careda di Hot Wheels categoria Pick-up Stock y Stock Open 60 gram riba un pista un poco mas largo.
Tur cos ta cla pa e caredanan di Hot Wheels e fin di siman venidero na Papaya Ranch, cu un pista mas largo ainda.
Diabierna 24 mei 2024 di 7:00pm pa 9:00pm lo tin inscripcion y diasabra 25 mei 2024 pa 5:00pm e caredanan den categoria Pick-up Stock lo start. Diadomingo 26 mei 2024 pa 10:00am lo tin caredanan di categoria Stock Open 60 gram.
Pa cada categoria Papaya Racing lo tin trofeo, premio cash y hopi doorprizes danki na tur sponsornan.
Papaya Racing ta invita un y tur pa asisti y apoya tur e coredonan di Hot Wheels na Papaya Ranch y manera custumber lo tin bar y cushina bon surti.
