Den fin di siman ultimo, S.K.I.F Aruba dojo Jin Sei Kan situa na La Salle College a representa nos dushi isla di Aruba den e deporte di karate. Nan a gana 17 medaya, di cual 7 ta oro, 4 di plata y 6 di brons.
S.K.I.F Aruba a biaha cu 11 atleta: Mariana Rodriguez, Christopher Velasquez, Rodrigo Rodriguez, Maresha Tromp, Kyra Jong, Manuela Jansen, Alysha Jansen, David Wong, Charlotte Fingal, Jaydy-Linn Kelly y Jediael Jansen. Nan tabata bou di guia di Sensei tecnico JuanDavid Velasquez.
E 11 atleta nan aki a defende nos bandera di Aruba den 26 otro pais nan cu a participa y a keda sorprendi cu e talento cu tin na Aruba. A haci uzo di e oportunidad pa habri lasonan di oportunidad pa laga nos deporte di karate crece den exterior. S.K.I.F Aruba ta masha agradecido cu tur e mayornan cu a haci e biahe aki un realidad y tambe nos kier a duna un danki tambe na Sensei Alberto di Shotokai Aruba cu a yuda nos muchanan hunto cu Sensei Juan David.
Ta gradici un y tur cu, door di nan generosidad pa cu nos muchanan y pa confia den e potencial di nos muchanan. Danki na e pueblo di Aruba cu di un manera of otro a contribui cu e deporte y nos fundraising nan.
Masha, masha danki na nomber di nos atletanan di e organisacion di S.K.I.F Aruba situa na La Salle College.
