Pa hopi studiante, resultado di examen ta e prome paso cu lo defini nan futuro. Hopi di nan ta bin sigur cu nan a logra y otronan ta bin toch dudoso.. Un dia cu hopi mixed feelings. Na Filomena College MAVO esaki tambe ta e caso.
Directora di Filomena College MAVO, Raquel Lampe, a bisa cu nan ta hopi satisfecho, ya cu despues di un otro aña yen di reto, a traha duro cu e muchanan. Pero diahuebs a piki e frutonan di e retonan aki, udna cu di 76 candidato, tin 70 graduado, bon pa 92%. Esaki ta un resultado super bon, ya cu ainda tin algun alumno cu no a logra den Tijdvak 1, pa cual e cantidad di graduado ainda tin hopi chens di subi.
Pa juffrouw Lampe, como directora, e trabou no ta solamente den oficina. Como directora, bo ta tur caminda, ta purba yuda, siña e alumnonan of miho bisa, yuda educanan. Semper tin un grupo cu ta purba pa wak kico ‘nan ta get away with it’. Pero esaki ta parti di crecemento. Pa juffrouw Lampe, esey ta un di e partinan dushi di e trabou, ya cu e ta duna e posibilidad di conecta cu e alumnonan.
Mas aleu, el a sigui bisa cu nan tin algun aña caba cu nan resultado ta basta halto y e ta gradici su team cu ta traha hopi duro, cu ta duna extra di nan tempo cu ta haci nan maximo esfuerso, door di duna extra les, cu ta bin diasabra pa duna les na e muchanan cu mester di dje. Sin e team dinamico esaki lo no tabata posibel.
Nan tabata tin un expectativa di cu e porcentahe di resultado lo bay ta bon, pero e resultado sigur a supera tur nan expectativa, pero pa nan e ta un satisfaccion grandi pa wak e grupo grandi di e muchanan cu a slaag, ya cu nan alegria, ta nan alegria.
Por ultimo, directora di Filomena College MAVO a duna un conseho na e alumnonan: esunnan cu no a lgora den Tijdvak 1, ainda tin un oportunidad pa haci esaki. “SI acaso e aña aki, no logra, ainda otro aña tin e posibilidad. Semper tin un caminda pa yega y logra bo soño- y metanan. No laga esaki desanimabo, pero tur contrario. Esaki ta bo forsa pa mustra cu bo por.”
