Relaciona cu tur e acontecimentonan alrededor di e eventual introduccion di BTW aki na Aruba, Camara di Comercio a clarifica un cu e otro den un entrevista cu 24ora.com. Segun mr. Monica Kock, presidente di Camara di Comercio, prome informacion cu nan a ricibi ta cu e BTW lo ta 18%, entre 6-18%. Dibiaha e gremionan a bisa cu e consecuencianan pa inflacion ta significante ya cu cu un BTW di 18% tur cos lo bira impagabel y asina a haya un propuesta despues di entre 6-14% y esaki a splica e comerciantenan. Locual ta importante, segun Kock, ta pa gobierno scucha kico tur e gremionan ta trece pa dilanti.
Na final di dia, Kock a splica, BTW ta un belasting cu comerciante ta colecta pa gobierno, pues esun cu ta bay pag’e ta e consumidor. E tarea adicional cu comercio ta haya ta cu nan lo tin cu bay haci diferente gasto pa por administra e BTW ya cu e ta un sistema mucho mas complica cu e BBO/BAVP cu tin actualmente. Esaki ta e preocupacion mas grandi di Camara di Comercio. E otro preocupacion cu Camara di Comercio tin ta e inflacion cu lo bin como consecuencia di un introduccion di e BTW y tambe “tur otro condicionnan, cu no tin nada di haber cu BTW, cu lo bin acerca pa genera diferenta suma cu tin.”
Pa un relato mas amplio, lesa bo proximo edicion di TREMPAN.
