St. Maarten: Theo Heyliger libera bao di condicion

E miembro di parlamento suspendi di St. Maarten, Theodore Heyliger, a wordo libera for di prizon preventivo debi na su estado di salud diamars anochi.

ADV

Heyliger ya ta na cas cu su famia, despues cu su abogadonan a informe cu corte di apelacion a acorda pa reverti e decision reciente di extende su detencion otro 30 dia.E ex parlamentario recientemente tabata pashent den e St. Maarten Medical Center, desde dia 9 di Mei y a wordo traslada eynan for di prizon di Pointe Blanche, debi na su condicion di acido urico.

Casa di Heyliger, Grisha Heyliger-Martens, a informa The Daily Herald diamars anochi cu e bewakernan a bandona hospital pa proteha su casa, momentonan despues di a scucha e noticianan di corte. Despues a hiba Heyliger cas y traha riba un tratamento adicional di su estado di salud den exterior. E informenan ta sugeri cu Heyliger mester a renuncia na su paspoort y solamente e por biaha pa rasonnan medico y tambe e tin cu garantisa un fiansa di 200 pa 300 dollar, como condicion di su liberacion. Daily Herald a comunica cu vocero di TBO, Roderick Governor, pa un declaracion di e fiscal riba su liberacion, pero no por a brinda esaki diamars anochi.

Heyliger a wordo aresta na su cas dia 19 di Februari. Prome el a wordo teni den e celnan di warda di polis di Philipsburg te cu el a wordo traslada pa e instalacionnan na Boneiro. Un bataya hudicial a sigui respecto su regreso pa cas, cu a resulta den su traslado pa Pointe Blanche. A bin haya un tumor den riñon di e ex miembro di parlamento y awo mester di mas prueba pa determina si e crecemento ta canceroso. Corte di Apelacion a scucha su caso tras di porta cera diamars atardi y tres hues a scucha tanto e fiscal como e abogadonan di Heyliger riba suspende of no su detencion previo na e prueba.

Ta spera cu e huicio di e caso Larimar cuminsa dia 27 di Mei y esun di e investigacion di e caso “Catfish” dia 30 di Mei. Heyliger, kende tabata e maximo contendor den e ultimo eleccionnan parlamentario di st. Maarten, tabata e unico diputado cu a gana su asiento den parlamento te cu e fecha.

Comments

comments